Salai Zoong | ယခုဆောင်းပါးကို မြန်မာဘာသာဖြင့် ဖတ်ရှုရန် ဤနေရာတွင် နှိပ်ပါ and click here to read this poem in English.
Cite as: Salai Zoong. (2025). The Final Voyage. Independent Journal of Burmese Scholarship, 6. https://ijbs.online/?page_id=5452Kan rel … kan thei… kan hmuh ton mi
Kan kut kaih teh a fek maw … ?
Ni nu mual a liam hlan ah/ A rei lo te ah
Par mawi rim hmui a ziam ral …
Lung duh thu sam kan sim phuang cio lo
Mit lawng an thei thiam aw maw?
Kan Lung thup a naih awk maw?
Ka um nawn lo hnu ah ti mi ruah nak a um lo bang in
Na cul hnu lung zun lawng a tang ding maw
Hawl lo ton mi hriam hma tla …
Mi nung hi a dang lam zet
Mi nung hi a huai sen zet
Tu bai sung ah
Kut kai aw ta lo in
Mang tha ti ih ram duh ral tha len rual hawi kom tla
An hlo ral cup co
Cuih hnu ah
Kan mah le kan mah rai thawi nak kan pek …
Nui uu cu a kang rero mi
Lo sung ih meisa bang in
Thing rop sung mu tiang a kang ziam
Hi lo sung ah thlai ci kan cing pei …
Hi ram cu … hang hnah hang rah pang par hmuan leh
Hih ram ah … duh dawt awk nak tha tak thawn
Tlang suan sang tluan ih
Fiak fai rok awn mawi hnuai ah
Sia khal tu Suak thuan sei no nun nom nak ding ah …